«Դելնավազան» խմբի կատարումը Մասիս քաղաքում
Յալդայի գիշերվա կապակցությամբ Մասիս քաղաքի երաժշտական դպրոցում իրանական ժողովրդական երաժշտության իր գեղեցիկ կատարմամբ հանդես եկավ «Դելնավազան» խումբը։ Արժանանալով հանդիսատեսի ջերմ ընդունելությանը՝ խումբը լավագույնս ներկայացրեց Իրանի երաժշտական ավանդույթները։
Անհրաժեշտ է նշել, որ երաժշտական պատառիկների ընտրանիում տեղ էին գտել նաև հայ հանդիսատեսի համար հոգեհարազատ մեղեդիներ։ Դրանք տարածաշրջանային եղանակներ են, որոնց ծանոթ է թե՛ հայ, թե՛ իրանցի ժողովուրդը։ Այսպիսով, նմանատիպ միջոցառումները էլ ավելի են նպաստում հայ-իրանական բարեկամության զարգացմանը՝ վերհանելով այն ընդհանրությունները, որոնք իրար մեջ կիսում են այս երկու ժողովուրդները։
