Ֆաջրի 40-րդ միջազգային թատերական փառատոն
2022 թ. հունվարի 21-ին ԻԻՀ մայրաքաղաք Թեհրանում տեղի կունենա Ֆաջրի 40-րդ միջազգային թատերական փառատոնը, որը կազմված է հետևյալ ութ մրցութային բաժիններից.
✔️Դրամատուրգիա
✔️Բեմական ներկայացումներ
✔️Փողոցային շրջիկ ներկայացումներ
✔️Բեմականացման այլ տեսակներ
✔️Ազգերի թատրոն
✔️Ռադիոթատրոն
✔️Մրցութային ներկայացումներ
✔️Թատերական լուսանկարների և պաստառների ցուցահանդես
Վստահորեն կարող ենք փաստել, որ «Ֆաջր» թատերական փառատոնն իր 40-ամյակին ընդառաջ իր գործունեությամբ և թատերական անվանի արվեստագետների մասնակցությամբ կարողացել է նպաստել մեծ փորձի կուտակմանն ու վերածվել հեղինակավոր փառատոնի՝ ոչ միայն Իրանի տարածքում, այլ նրա սահմաններից դուրս:
Այս տարի Ֆաջրի 40-րդ միջազգային թատերական փառատոնը, նպատակ ունենալով արդիականացնել ընտրության գործընթացը, ի լրումն անցած տարիների մրցավարության ավանդական մեթոդների, լայնորեն օգտագործելով կիբերտարածության հնարավորությունները, ավելի շատ ու բազմապրոֆիլ արվեստագետների կներգրավի կազմակերպչական և հաղթողների ընտրության գործընթացում:
Փառատոնի այս տարվա առաջնահերթություններն ու թեմատիկ նախապատվությունները հետևյալն են.
•Իրանի իսլամական հեղափոխության հաղթանակի տարեդարձի մեծարում
•Ուշադրության կենտրոնում պահել երկրի համար ընտրված տարվա կարգախոսը՝ «Արտադրություն. աջակցություններ և խոչընդոտների չեզոքացում»
•Ուշադրության կենտրոնում պահել իրանաիսլամական մշակույթի ոլորտները՝ օգտագործելով բնիկ և էթնիկ թեմաներ ազգային ներդաշնակության ամրապնդման նպատակով
•Կրոնական, մարդկային, սոցիալական էթիկայի, հանրային մասնակցության և ապագայի հանդեպ հույս խթանելու նպատակով հետախուզական և վերլուծական անդրադարձ սոցիալական թեմաներին
•Հատուկ ուշադրություն ժամանակակից իրանական դրամատուրգիային և մտածող իրանական թատրոնին
•Ուշադրության կենտրոնում պահել իրանական թատրոնի և այլ ազգերի միջմշակութային փոխազդեցությունները
Փառատոնը կանցկացվի Հոսեյն Մոսաֆեր Ասթանեի քարտուղարությամբ:
Փառատոնի վերաբերյալ լրացուցիչ տեղեկությունների համար այցելեք փառատոնի պաշտոնական կայքէջ հետևյալ հասցեով՝ http://fitf.theater.ir/en :