«Կյանքը շատ կարճ է» ներկայացումը

Մայիսի 27-ից 31-ը Հայաստանը կհյուրընկալի Իրանից ժամանած կույրերի և տեսողության խնդիրներ ունեցող անձանց ամենամեծ՝ «Արշեկ» թատերախմբին, որը հանդես կգա «Կյանքը շատ կարճ է» ներկայացմամբ։

Ներկայացումը պատմում է մի ձնեմարդու մասին, որը աշխարհ եկավ ձմռան առաջին ձյան ժամանակ։ Նա սիրով և բարությամբ է լցված կյանքի հանդեպ։ Մի օր դաշտում ձնեմարդը հանդիպում է խրտվիլակին և նրա հետ ծանոթանալով՝ սովորեցնում է նրան ընկերության, անձնուրացության և իսկական սիրո արժեքը։  

Բաց մի՛ թողեք հնարավորությունը՝ վայելելու այս հեքիաթը ձեր մանուկների հետ միասին։

Ժամանակացույցը և անցկացման վայրերը՝

Մայիսի 27-ին՝ ժամը 11։00-ին՝ Երևանի Նիկողայոս Տիգրանյանի անվան թիվ 14 հատուկ դպրոց․ հասցե՝ Մամիկոնյանց փող․, 31 շենք։

Մայիսի 29-ին՝ ժամը 15։00-ին՝ Խնկո Ապոր անվան ազգային մանկապատանեկան գրադարան․ հասցե՝ Տերյան փող., 42/1 շենք։

Մայիսի 30-ին՝ ժամը 11։00-ին՝ Մաչանենց տուն․ հասցե՝ ք․ Էջմիածին, Շահումյան փող․, 36 շենք։

Մայիսի 30-ին՝ ժամը 15։00-ին՝ Խնկո Ապոր անվան ազգային մանկապատանեկան գրադարան․ հասցե՝ Տերյան փող., 42/1 շենք։

Մայիսի 31-ին՝ ժամը 12։00-ին՝ Երևանի Կապույտ մզկիթ․ հասցե՝ Մաշտոցի պող․, 12։