Մի շարք փաստեր Իրանում կրթության մասին

Արդեն իսկ երկու շաբաթ է ինչ Իրանում սկսվել է նոր ուսումնական տարին։

Այս առիթով Ձեզ ենք ներկայացնում մի շարք հետաքրքրիր փաստեր Իրանի կրթական համակարգի վերաբերյալ։

* Երեխաները սկսում են դպրոց գնալ 7 տարեկան հասակից և սովորում են 12 տարի։

* Իրանում գոյություն ունի 3 տիպի դպրոց՝ կրտսեր, միջնակարգ և ավագ։ Կրտսեր դպրոցում ուսուցումը տևում է 6 տարի, իսկ միջնակարգ և ավագ դպրոցներում՝ 3-ական։

* Պարտադիր է համարվում 9-ամյա կրթությունը (կրտսեր + միջնակարգ), որից հետո աշակերտը կարող է կամայական սկզբունքով շարունակել կրթությունը ավագ դպրոցում՝ այդպիսով նախապատրաստվելով ընդունելության քննություններին։

* Իրանում տղաները և աղջիկները սովորում են առանձին խմբերով, սակայն ծրագիրը բոլորի համար նույնն է։ Ուսուցչական կազմը նույնպես տարանջատված է ըստ սեռի։

* Միասնական քննություն՝ պարսկերեն konkur:

Դպրոցը ավարտելուց հետո այն անձինք, ովքեր ցանկանում են շարունակել ուսումը համալսարանում, հանձնում են միասնական քննություն։ Հետաքրքիր է, որ իրանական քոնքուրում ներառված են բոլոր առարկաները՝ անկախ ընտրված մասնագիտությունից։ Նշենք, որ դրանց թիվը 20-ից ավել է։ Այսպիսով, օրինակ, ապագա ծրագրավորողները պարտավոր են նաև հանձնել պարսից լեզվի և գրականության քննություն։