Մաշհադի Խավեհ Արդահալի գյուղի գորգ լվացողները

Մաշհադի Խավեհ Արդահալի գյուղի և Քաշանի Ֆինի գորգերի լվացման ծիսական արարողությունն այս տարածաշրջանի սգո հնագույն ծեսերից է, որն անցկացվում է ամեն տարի հոկտեմբեր ամսվա երկրորդ ուրբաթ օրը և  հայտնի է «Գորգերի ուրբաթ» անվամբ:

Սա միակ իսլամական ծեսն է, որն իրականացվում է ըստ արեգակնային օրացույցի:

Գորգերի լվացման արարողության փիլիսոփայության ձևավորումը սկիզբ է առնում 734 օգօստոսի 7-ից՝ Իմամզադեհ Սուլթան Ալի Իբն Իմամ Մոհամմադ Բաղեյրի ^{Ողջույն նրան} նահատակության օրվանից: Քաշանի Ֆինի բնակչությունը, ովքեր նրան հրավիրել էին այս տարածաշրջան, նշում են այս արարողությունը ի պատիվ այդ օրվա: 

Գորգերի լվացման արարողության ընթացքում Իմամզադեհի շենքի ներսում գտնվող գորգերից մեկը խողովակաձև ծալված տեսքով դնում են մի խումբ երիտասարդների ուսերին, և Իմամզադեհի ներսում ողբ ու սգո արարողություն անցկացնելուց հետո այն հասցնում են Քաշան և հանձնում Ֆինի բնակիչներին, իսկ նրանք վերցնելով գորգը, տանում են կառույցից մի քանի հարյուր կիլոմետր արևելք գտնվող աղբյուրի մոտ: Այս խմբին հետևելով ՝ մեկ այլ խումբ, որոնցից յուրաքանչյուրը երկար ձեռնափայտը ձեռքներին հետևում է գորգ տանողներին՝ ի նշան Իմամ Բաղերի արյան վրիժառության՝ «Ո ՜վ Հոսեյն» գոչելով ու ձեռնափայտերը շարժելով, գնում են աղբյուրի մոտ: 

Աղբյուրի կողքին գորգը նետվում է գետնին և մաքրվում աղբյուրի ջրով՝ ի նշան Իմամզադեհ Բաղերի լողանալու: 

Իմամզադեհ շինության մուտքի մոտ գորգը ուսերին բերողների ժամանումն ու այն ետ հանձնելը Խավեհ Արդեհալ գյուղի բնակիչներին, ովքեր պետք է այն ներս տանեն,  ևս ուղեկցվում է հատուկ արարողություններով:

Գորգերի լվացման այս ծիսակարգը գրանցվել է ՅՈւՆԵՍԿՕ-ի համաշխարհային  մշակութային ժառանգության ցանկում: