Ուրբաթ օրը՝ դեկտեմբերի 15-ին, Երևանի թիվ 185 դպրոցի պարսկերեն սովորող աշակերտներն իրենց ուսուցիչների հետ այցելեցին Երևանի Կապույտ մզկիթ։ Այս այցի ընթացքում աշակերտները եղան մզկիթի գրադարանում, ձեռագործ աշխատանքների թանգարանում և մզկիթի բակում՝ այսպիսով մոտիկից ծանոթանալով Իրանի իսլամական մշակույթին: Միջոցառման ընթացքում սաները նաև հանդես եկան ասմունքով՝ ներկայացնելով իրանական հայտնի բանաստեղծների մի շարք սիրված պատառիկներ: Այցելության ավարտին ուսուցիչներին շնորհվեց նվեր՝ Իրանի և նրա տեսարժան վայրերի մասին պատմող սկավառակի տեսքով: