Իրանական պատվիրակության այցը Աբովյանի թիվ 2 դպորց
Իրանական «Շաբ-է Յալդա» տոնին հաջորդած օրը՝ դեկտեմբերի 22-ին Աբովյանի թիվ 2 հիմնական դպրոց այցելեցին Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան պրն․ Խալիլ Շիրղոլամին, ՀՀ-ում ԻԻՀ դեսպանության մշակույթի կենտրոնի ղեկավար պրն․ Մոհամմադ Ասադի Մովահեդը, ինչպես նաև կենտրոնի մի շարք ներկայացուցիչներ։
Իրանական պատվիրակությունը հանդիպեց դպրոցի տնօրինության, ուսուցչական կազմի և դպրոցի աշակերտների հետ։ Աշակերտները հյուրերին դիմավորեցին աղ ու հացով, պարսկերեն ջերմ ողջույններով, ազգային երգով ու նվագով, ինչը արժանացավ հյուրերի բարձր գնահատանքին։
Դպրոցում իր երաժշտական կատարմամբ հանդես եկավ Իրանի մշակույթի կենտրոնի նախաձեռնությամբ Հայաստանում հյուրընկալված «Մեհր-Ային» իրանական ավանդական խումբը։
Հանդիպման ընթացքում դեսպան պրն․ Խալիլ Շիրղոլամին և դպրոցի տնօրեն պրն․ Արթուր Տաշչյանը անդրադարձան հայ-իրանական մշակութային կապերի և համագործակցության զարգացման հեռանկարներին, ընդգծեցին երիտասարդ սերնդի առանցքային դերը խաղաղության և բարեկամական հարաբերությունների ամրապնդման գործում, ինչպես նաև կրթության կարևոր նշանակությունը ժողովուրդների միջև մշակութային փոխանակման և ճիշտ փոխըմբռնման ձևավորման համատեքստում։
Գրել Ձեր մեկնաբանությունը.