Երևանի պետական համալսարանի իրանագիտության ամբիոնի և ՀՀ-ում ԻԻՀ դեսպանության մշակույթի կենտրոնի համագործակցության շրջանակներում համալսարանի «Ֆիրդուսիի» անվան լսարանում տեղի ունեցավ գիտական սեմինար՝ նվիրված Հաֆեզի մեծարման օրվան։ Այս իրադարձությանը ներկա էին համալսարանի պրոֆեսորադասախոսական կազմը, ուսանողները, ինչպես նաև հայ-հունական քոլեջի պարսկերեն սովորող սաները, ովքեր հանդես եկան Հաֆեզի բանաստեղծական պատառիկների ասմունքով։