Ի զորակցություն ԻԻՀ նախագահ Այաթոլլահ Ռայիսիի նահատակությանը, Իսլամական մշակույթի և հաղորդակցության կազմակերպության ղեկավար Մոհամմադ Մեհդի Իմանիփուրը հանդես է եկել հետևյալ ուղերձով․

«Այաթոլլահ Ռայիսիի՝ մեր երկրի նվիրյալ, ջանասեր և ժողովրդականություն վայելող նախագահի և նրա ուղեկիցների  նահատակությունը աննկարագրելի ցավի և տրտմության առիթ է դարձել։ Իսլամական հեղափոխության ուսմունքով դաստիարակված այս անձը մարդկանց ծառայության ճանապարհին նահատակության մաքրագործ պսակն է ընդունել՝ իր օրհնաշատ կյանքի մինչև վերջին պահն իսկ այս սրբազան և աստվածահաճո նպատակի համար վայրկյան իսկ չվատնելով։ Նահատակ և գաղափարանվեր մեր նախագահի գործադրած համառ և գովասանքի արժանի ճիգերը՝ պահպանելու և պաշտպանելու իսլամական հեղափոխության արժեքները և երազանքները՝ երկրի մշակութային, տնտեսական և հասարակական բարգավաճման ուղու վրա ներքին կարողություններին և հնարավորություններին ապավինելով, մշտապես բոլոր մարդկանց շուրթերին են եղել։

Նահատակ Այաթօլլահ Ռայիսիի կողմից մշակույթի և մշակութային դիվանագիտության ոլորտին ցուցաբերած աջակցությունը 13-րդ․ կառավարությունը որպես այս ոլորտում Նորին Վսեմություն Իսլամական հեղափոխության գերագույն  առաջնորդի հանձնարարականների գործադրման ուղղությամբ գործող սրտացավ մի մարմին է դարձրել։

Անկասկած, այս աղետին դիմանալը բարդ է ու սրտակեղեք, Իսլամական Իրանի բարեկամների համար դժվար ու անտանելի, սակայն Սուրբ Սաման ալ-Հաջջի ծննդյան օրը (խաղաղություն թող լինի նրան), հավատ ընծայելով մեր Սրբազան Իմամին, գլուխ ենք խոնարհում՝ հայտնելով Բարձրյալին մեր հնազանդությունը։

Անկասկած, մեր նահատակ նախագահի անխնա և անկեղծ ջանքերը նրա հավիտենական կյանքի արժեքավոր վաստակն են․․․»