Մարիվանի փողոցային թատրոնի 18-րդ միջազգային փառատոնը

Իրանի դրամատիկական արվեստի կենտրոնը թատրոնի միջազգային ինստիտուտի (International Theater Institute) հետ համագործակցության շրջանակում հայտարարում է թատերական փառատոնի 18-րդ շրջանի կազմակերպման մասին

Իրանի դրամատիկական արվեստի կենտրոնը թատրոնի միջազգային ինստիտուտի (International Theater Institute) հետ համագործակցության շրջանակում հայտարարում է թատերական փառատոնի 18-րդ շրջանի կազմակերպման մասին, որը տեղի կունենա ս․թ․ հոկտեմբերի 25-29-ը Իրանի Քրդստան նահանգի Մարիվան քաղաքում:

Մարիվանի թատերական փառատոնի նպատակն է զարգացնել մշակութային զբոսաշրջությունը և հասարակական ներգրավվածությունը՝ ամրապնդելով հասարակության հետ ուղիղ կապը, ինչպես նաև միջազգային արվեստագիտական փորձի փոխանակման և միջմշակութային երկխոսության զարգացման համար անհրաժեշտ հարթակի ապահովումը։

Փառատոնը մասնակիցներին կապահովի կացությամ, օրական երեքանգամյա սնունդով և ներքին ճանապարհորդության համար անհրաժեշտ փոխադրամիջոցներով (ներառյալ օդանավակայանից մինչև միջոցառման վայր և հակառակը)։ Մնացյալ կազմակերպչական հարցերը կքննարկվեն և կհամաձայնեցվեն երկկողմ բանակցությունների արդյունքում։

Դիմումի ներկայացման համար հետևեք ստորև ներկայացվող ուղեցույցին։

Դիմումի ուղեցույց

Հայտ ներկայացնելու համար անհրաժեշտ է ստորև ներկայացվող տեղեկատվությունը ուղարկել փառատոնի էլ․ հասցեին՝ հղելով համանման պատճենը (cc) ՀՀ-ում ԻԻՀ դեսպանության մշակույթի կենտրոնի էլ․ հասցեին։

1․ Ակտիվ հղում առաջարկվող թատերախաղը դիտելու համար։ Անհրաժեշտ է տեղադրել ամբողջական և ներբեռնվող տարբերակը։

2․ Պիեսի հակիրճ բովանդակությունը (սինոպսիս) անգլերեն լեզվով։

3․ Ձևաթուղթը՝ ամբողջապես լրացված վիճակում։ Ձևաթղթի ֆայլը տեղադրված է ստորև՝ կայքէջի ներքևի հատվածում։

4․ Խմբի անդամների ցանկը (ներառյալ դերասանները և տեխնիկական բաժնի պատասխանատուները)։

            *Խմբի անդամների առավելագույն քանակը՝ 10 հոգի։

5․ Հղում, որտեղ կցված է 4 որակյալ լուսանկար (թատերավար, ներկայացման դրվագներ և այլն)։

6․ Թատերավարի և սցենարի հեղինակի ինքնակենսագրականը և լուսանկարները։

Փառատոնի էլ․ հասցե։ daramatic.artcenter.iran@gmail.com

ՀՀ-ում ԻԻՀ դեսպանության մշակույթի կենտրոնի էլ․ հասցե։ icro.iri.am@gmail.com

Փառատոնի հեռ․։ +982166708861

Հայտարարության կայքի հղում։ https://theater.ir/ci/en/189269

Դիմում ներկայացնելու վերջնաժամկետ։ 2025թ․ սեպտեմբերի 12-ը։

* Որակային քննության փուլը հաջողությամբ անցնելու պարագայում, դիմորդները կծանուցվեն էլ․ փոստի միջոցով մինչև սեպտեմբերի 23-ը։