Երևանի կարճամետրաժ ֆիլմերի միջազգային կինոփառատոնը, որտեղ հյուրընկալվում են ռեժիսորներ Իրանից և աշխարհի տարբեր անկյուններից, այս տարի էլ ներկայացված աշխատանքների ընտրությամբ սկսում է իր գործունեությունը։

Կինոփառատոնին մասնակցության համար ուղարկված ֆիլմերի թվաքանակի ռեկորդը Իրանին է պատկանում։

Այսօր առավոտյան ԻԻՀ դեսպանության մշակույթի կենտրոնի աջակցության և ծրագրում մասնակցության առաջարկով, Իրանի մշակութային հարցերով խորհրդական պարոն Ասադի Մովահեդի հետ են հանդիպել Երևանի կարճամետրաժ ֆիլմերի միջազգային կինոփառատոնի հիմնադիր-տնօրեն, պրոդյուսեր պարոն Գուժ Թադևոսյանը և ծրագրի ղեկավար Արտյոմ Բաղդասարյանը։

Հաշվի առնելով կինոփառատոնի յոթամյա փորձը՝ Պարոն Գուժ Թադևոսյանը նշեց․

«Այս միջոցառմանը Իրանը միշտ հանդես է եկել իր ակտիվ ներկայությամբ, այնպես, որ յոթ տարիների ընթացքում Իրանից շուրջ 2000 ֆիլմ է ուղարկվել Հայաստան, որից 100-ը ընտրվել է մրցութային փուլում մասնակցության համար»։

Նա հավելեց։ «Այս տարի նույնպես Իրանը փառահեղ ներկայություն է ապահովել և ցայսօր Իրանից թվով 123 ֆիլմ է ուղարկվել՝ ապահովելով այլ երկրներից ուղարկված ֆիլմերի համեմատ ամենամեծ թվաքանակը»

Երևանի կարճամետրաժ ֆիլմերի 7-րդ միջազգային կինոփառատոնը կանցկացվի հուլիսի 25-29-ը Երևանի քաղաքապետարանի և ՀՀ ԿԳՄՍ նախարարության հովանավորությամբ։ Համաձայն պարոն Թադևոսյանի, մինչ այսօր կինոփառատոնին իր մասնակցությամբ է հանդես եկել թվով 85 երկիր, որոնցից ընդհանուր հանձնաժողովին շուրջ 750 ֆիլմ է ուղարկվել, և այս ֆիլմերից 50-ը անցել են եզրափակիչ մրցութային փուլ։ Նա հույս հայտնեց, որ կինոփառատոնում իրանական ֆիլմերի ներկայացման համար ապագայում ավելի լայն հնարավորություններ կստեղծվեն։

Հաշվի առնելով այս տարվա ընթացքում Իրանից ուղարկված ֆիլմերի աննախադեպ քանակը՝ պարոն Թադևոսյանը հանդես եկավ իրանական ֆիլմերին նվիրված առանձին կինոփառատոնի անցկացման մասին առաջարկով, իսկ Արտյոմ Բաղդասարյանը, ով նաև դասախոսում է Երևանի թատրոնի և կինոյի պետական ինստիտուտում, նշելով, որ բավական լավ է ծանոթ իրանական ֆիլմերին, և որ իրանական ֆիլմերը որակական առումով բավական բարձր մակարդակի վրա են գտնվում, ընդգծեց երկու երկրների միջև դասախոսների և ուսանողների փոխանակման անհրաժեշտությունը։
Ողջունելով հյուրերի առաջարկները՝ պարոն Ասադի Մովահեդը նշեց, որ հնարավորինս շուտ հայ ուսանողների և դասախոսների համար կկազմակերպվեն սցենար գրելու վարպետության դասեր` Իրանից հրավիրվյալ դասախոսների միջոցով։