«Ša'arbāfi»-ն՝ Իրանական կտավագործության արվեստը

Իրանի անապատային վայրերում, ինչպիսիք են օրինակ Յազդ և Քաշան քաղաքները, տարածված է հնավանդ և աչք շոյող մի արվեստի տեսակ, որը «ša'arbāfi» է կոչվում։ 

Յազդ քաղաքի՝ որպես կտավագործության և նշանավոր պաստառների վայրի հռչակի մասին, հիրավի, տարիներ շարունակ բոլորն են խոսել։ Ուշագրավ է, որ Մարկո Պոլոն իր ճամփորդական նամակներում գրում է․ ««yazdi» կոչվող մետաքսե կտորները վաճառականների շրջանում մեծ հռչակ են վայելում և արտահանվում են աշխարհի բոլոր վայրեր»։ Մարդու կամ անասունի մազը «ša'ar» է կոչվում, որը կտավագործական տերմինաբանության մեջ նաև գործածվում է «մետաքսից կամ մազից հյուսված կտորի տեսակ» իմաստով: